   |
Пн | Вт | Ср | Чт | Пт | Сб | Вс |
|---|---|---|---|---|---|---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |
2018 жылдың 26-27 сәуірі аралығында Абай атындағы ҚазҰПУ-нің 90 жылдық мерейтойы аясында «Цифрлық жаһандану кезеңіндегі жоғары оқу орны кітапханаларының даму тенденциялары» тақырыбында жоғары білім беру кітапханалары басшылары мен қызметкерлеріне арналған халықаралық ғылыми-практикалық семинар өтті.
Семинарды ҚР БҒМ-нің Республикалық ғылыми-педагогикалық кітапханасы және Абай атындағы ҚазҰПУ Ғылыми кітапханасы ұйымдастырды.
Семинардың пленарлық бөлімін университеттің оқу-әдістемелік жұмысы жөніндегі проректоры – Ғ.К.Кенжебаев құттықтау сөзімен ашты. ҚР БҒМ-нің Республикалық ғылыми-педагогикалық кітапханасының директоры – А.Ә.Насырова қатысушыларды семинардың ашылуымен құттықтап, цифрлық әлемдегі кітапханалардың дамуы жайында баяндама оқыды. Сөз соңында Қазақстан республикасы жоғары оқу орны кітапханаларының үздік қызметкерлерін Білім және ғылым министрлігінің грамотасымен марапаттады, солардың ішінде біздің ғылыми кітапхана директоры – Н.Ж.Имансыдықова, кітапхананың эксперт менеджері – Сексенбаева Н.О. марапатқа ие болды.
Пленарлық бөлімде В.К.Степанов – п.ғ.к., доцент, Мәскеу мемлекеттік мәдениет институты, мәдениетті және электрондық кітапханаларды ақпараттандыру кафедрасының профессоры (Ресей федерациясы, Мәскеу қаласы), Мехмет Т.С. – Қожа Ахмет Ясауи атындағы Қазақ-түрік университетінің докторы, профессоры, Р.А.Турдукеева – К.Карасаев атындағы Бішкек гуманитарлық университеті ғылыми кітапханасының директоры баяндама оқыды (Қырғыз Республикасы, Бішкек қаласы).
Екінші күні семинардың дискуссиялық мәжілістері өтті. ҚР жоғары оқу орны кітапханаларының басшылары белсене қатысты және тәжірибе алмасты. Жалпы семинар бағдарламасына мәдениет, білім беру салаларының және Ресей, Қырғызстан, Түркия, Қытай және Қазақстан жоғары оқу орны кітапханалары басшыларының 50-ден астам баяндамалары кірді.
1
